hum khak hain aur khak hi mawa hai hamara lyrics || Kalam e Aala hazrat || makhdoom production

hum khak hain aur khak hi mawa hai hamara lyrics

ہم خاک ہیں     اور خاک ہی ماوا ہے ہمارا

ہم خاک ہیں     اور خاک ہی مَاوا ہے ہمارا

خاکی تو وہ آدم جَد اَعلیٰ ہے ہمارا

اللّٰہ ہمیں     خاک کرے اپنی طلب میں     

یہ خاک تو سرکار سے تمغا ہے ہمارا

جس خاک پہ رکھتے تھے قدم سیِّد عالم

اُس خاک پہ قرباں     دلِ شیدا ہے ہمارا

خم ہو گئی پشتِ فلک اس طعنِ زَمیں     سے

سن ہم پہ مَدینہ ہے وہ رتبہ ہے ہمارا

اس نے لقبِ خاک شہنشاہ سے پایا

جو حیدرِ کرّار کہ مولیٰ ہے ہمارا

 

اے مدّعیو! خاک کو تم خاک نہ سمجھے

اس خاک میں     مدفوں     شہِ بطحا ہے ہمارا

ہے خاک سے تعمیر مزارِ شہِ کونین

معمور اِسی خاک سے قبلہ ہے ہمارا

ہم خاک اڑائیں     گے جو وہ خاک نہ پائی

آباد رضاؔ جس پہ مدینہ ہے ہمارا